Аще иерей, глаголет:Благословен Бог наш, всегда, ныне и присно и во веки веков.
И мы глаголем:Аминь.

Мы:Аминь.

Слава Тебе, Боже наш, слава Тебе.

Царю Небесный, Утешителю, Душе истины, Иже везде сый и вся исполняяй, Скоровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Святый Боже, Святый Крепкий, Святый Бессметрный, помилуй нас.(трижды).

Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас: Господи, очисти грехи наша: Владыко, прости беззакония наша: Святый, посети и исцели немощи наша имене Твоего ради.

Господи помилуй (трижды).

Слава… И ныне…

Отче наш, Иже еси на небесех! Да святится имя Твое: да приидет Царствие Твое: да будет воля Твоя, яко на небеси, и на земли. Хлеб наш насущный даждь нам днесь: и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Иерей:Яко Твое есть царство, и сила, и слава, Отца, и Сына, и святаго Духа, ныне и присно и во веки веков.
Мы же:Аминь.

Та же:Господи, помилуй.(12)

Слава, и ныне.

Приидите, поклонимся цареви нашему Богу.
Приидите, поклонимся и припадем Христу Цареви нашему Богу.
Приидите, поклонимся и припадем самому Христу, цареви и Богу нашему.

И псалом 50

Помилуй мя, Боже, по велицей милости Твоей, и по множеству щедрот Твоих, очисти беззаконие мое. Наипаче омый мя от беззакония моего, и от греха моего очисти мя. Яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих: яко да оправдишися во словесех Твоих и победиши внегда судити ти. Се бо в беззакониих зачат есмь и во гресех роди мя мати моя. Се бо истину возлюбил еси, безвестная и тайная премудрости Твоея явил ми еси. Окропиши мя иссопом и очищуся; омыеши мя, и паче снега убелюся. Слуху моему даси радость и веселие: и возрадуются кости смиренные. Отврати лице Твое от грех моих, и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего, и Духа Твоего Святаго не отъими от мене. Воздаждь ми радость спасения Твоего, и Духом владычным утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего, возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу – дух сокрушен: сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожигаемая: тогда возложат на олтарьТвой тельцы.

Псалом 118.

Блажени непорочни в путь, ходящии в законе Господни: Блажени испытающие свидения Его, всем сердцем взыщут Его. Не делающии бо беззакония, в путех его ходиша. Ты заповедал еси заповеди Твоя сохранити зело: Дабы исправилися путие мои, сохранити оправдания твоя. Тогда не постыжуся, внегда призрети ми на вся заповеди Твоя. Исповемся Тебе в правости сердца, внегда научитимися судьбам правды Твоея. Оправдания Твоя сохраню, не остави мене до зела. В чесом исправит юнейший путь свой; внегда сохранити словеса Твоя. Всем сердцем моим взысках Тебе, не отрини мене от заповедей Твоих. В сердце моем скрых словеса Твоя, яко да не согрешу Тебе. Благословен еси, Господи, научи мя оправданием Твоим. Устнама моима возвестих вся судьбы уст Твоих. На пути свидений Твоих насладихся, яко о всяком богатстве. В заповедех Твоих поглумлюся, и уразумею пути Твоя. В оправданиих Твоих поучуся, не забуду словес Твоих. Воздаждь рабу Твоему: живи мя, и сохраню словеса Твоя. Открый очи мои, и уразумею чудеса от закона Твоего. Пришлец аз есмь на земли, не скрый от мене заповеди Твоя. Возлюби душа моя возжелати судьбы Твоя на всякое время. Запретил еси гордым, прокляти уклоняющиися от заповедей Твоих. Отъими от мене понос и уничижение, яко свидений Твоих взысках. Ибо седоша князи, и на мя клеветаху: раб же Твой глумяшеся во оправданиих Твоих. Ибо свидения Твоя, поучение мое есть, и совети мои оправдания Твоя. Прильпе земли душа моя, живи мя по словеси Твоему. Пути моя возвестих, и услышал мя еси: научи мя оправданием Твоим. Путь оправданий Твоих вразуми ми, и поглумлюся в чудесех Твоих. Воздрема душа моя от уныния: утверди мя в словесех Твоих. Путь неправды отстави от мене, и законом Твоим помилуй мя. Путь истины изволих, и судьбы Твоя не забых. Прилепихся свидением Твоим,Господи, не посрами мене. Путь заповедей Твоих текох, егда разширил еси сердце мое. Законоположи мне, Господи, путь оправданий Твоих, и взыщу и выну. Вразуми мя, и испытаю закон Твой, и сохраню и всем сердцем моим. Настави мя на стезю заповедей Твоих, яко тую восхотех. Приклони сердце мое во свидения Твоя, а не в лихоимство. Отврати очи мои, еже не видети суеты, в пути Твоем живи мя. Постави рабу Тоему слово Твое в страх Твой. Отъими поношение мое, еже непщевах, яко судьбы Твоя благи. Се возжелах заповедиТвоя, в правде Твоей живи мя. И да приидет на мя милость Твоя, Господи, спасение Твое по словеси Твоему. И отвещаю поношающым ми слово: яко уповах на словеса Твоя. И не отъими от уст моих словесе истинна до зела: яко на судьбы Твоя уповах. И сохраню закон Твой выну: в век и в век века. И хождах в широте, яко заповеди Твои взысках. И глаголах о свидениих Твоих пред цари, и не стыдяхся. И поучахся в заповедех Твоих, яже возлюбих зело. И воздвигох руце мои к заповедем Твоим, яже возлюбих, и глумляхся во оправданиих Твоих. Помяни словеса Твоя рабу Твоему, ихже упование дал ми еси. То мя утеши во смирении моем, яко слово Твое живи мя. Гордии законопреступоваху до зела, от закона же Твоего не уклонихся. Помянух судьбы Твоя от века, Господи, и утешихся. Печаль прият мя от грешник, оставляющих закон Твой. Пета бяху мне оправдания Твоя, на месте пришельствия моего. Помянух в нощи имя Твое, Господи, и сохраних закон Твой. Помолихся лицу Твоему всем сердцем моим: помилуй мя по словеси Твоему. Помыслих пути Твоя, и возвратих нозе мои во свидения Твоя. Уготовихся и не смутихся сохранити заповеди Твоя. Ужя грешник обязашася мне, и закона Твоего не забых. Полунощи востах исповедатися Тебе о судьбах правды Твоея. Причастник аз есмь всем боящымся Тебе, и хранящым заповеди Твоя. Милости Твоея, Господи, исполнь земля, оправданием Твоим научи мя. Благость сотворил еси с рабом Твоим, Господи, по словеси Твоему. Благости и наказанию и разуму научи мя, яко заповедем Твоим веровах. Прежде даже не смиритимися, аз прегреших: сего радислово Твое сохраних. Благ еси ты, Господи, и благостию Твоею научи мя оправданием Твоим. Умножися на мя неправда гордых: аз же всем сердцем моим испитаю заповеди Твоя. Усырися яко млеко сердце их, аз же закону Твоему поучихся. Благо мне, яко смирил мя еси:яко да научуся оправданием Твоим. Благ мне закон уст Твоих, паче тысящ злата и сребра.

Трижды.

Руце Твои сотвористе мя, и создасте мя: вразуми мя, и научуся заповедем Твоим. Боящиися Тебе узрят мя и возвеселятся, яко на словеса Твоя уповах. Разумех, Господи, яко правда судьбы Твоя, и воистинну смирил мя еси. Буди же милость Твоя, да утешит мя по словеси Твоему, рабу Твоему: Да приидут мне щедроты Твоя, и жив буду, яко закон Твой поучение мое есть. Да постыдятся гордии, яко неправедно беззаконноваша на мя: аз же поглумлюся в заповедех Твоих. Да обратят мя боящиися Тебе, и ведащии свидения Твоего. Буди сердце мое непорочно во оправданиих Твоих, яко да не постыжуся. Исчезает во спасение Твое душа моя, на словеса Твоя уповах. Исчезоша очи мои в слово Твое, глаголюще: когда утешиши мя; Зане бых яко мех на слане: оправданий Твоих не забых. Колико есть дней раба Твоего; когда сотвориши ми от гонящих мя суд; Поведаша мне законопреступницы глумления, но не яко закон Твой, Господи. Вся заповеди Твоя истина: неправедно погнаша мя, помози ми. Вмале не скончаша мене на земли: аз же не оставих заповедей Твоих. По милости Твоей живи мя, и сохраню свидения уст Твоих. Во век, Господи, Слово Твое пребывает на небеси. В род и род истина Твоя, основал еси землю, и пребывает. Учинением Твоим пребывает день, яко всяческая работна Тебе. Яко аще бы не закон Твой поучение мое был, тогда убо погибл бых во смирении моем. Во век не забуду оправданий моих, яко в них оживил мя еси.

Твой есмь аз, спаси мя, яко оправданий Твоих взысках. Мене ждаша грешницы погубити мя, свидения Твоя разумех. Всякия кончины видех конец: широка заповедь Твоя зело. Коль возлюбих закон Твой, Господи, весь день поучение мое есть. Паче враг моих умудрил мя еси заповедию Твоею, яко во век моя есть. Паче всех учащих мя разумех, яко свидения Твоя поучение мое есть. Паче старец разумех, яко заповеди Твоя взысках. От всякаго пути лукава возбраних ногам моим, яко да сохраню словеса Твоя. От судеб Твоих не уклонихся: яко Ты законоположил ми еси. Коль сладка гортани моему словеса Твоя, паче меда устом моим. От заповедей Твоих разумех, сего ради возненавидех всяк путь неправды. Светильник ногама моима закон Твой, и свет стезям моим. Кляхся, и поставих сохранити судьбы правды Твоея. Смирихся до зела: Господи, живи мя по словеси Твоему. Вольная уст моих благоволи же, Господи, и судьбам Твоим научи мя. Душамоя в руку Твоею выну, и закона Твоего не забых. Положиша грешницы сеть мне, и от заповедей Твоих не заблудих. Наследовах свидения Твоя во век, яко радование сердца моего суть. Приклоних сердце мое сотворити оправдания Твоя в век за воздаяние. Законопреступныя возненавидех, закон же Твой возлюбих. Помощник мой, и заступник мой еси Ты: на словеса Твоя уповах. Уклонитеся от мене лукавнующии, и испитаю заповеди Бога моего. Заступи мя по словеси Твоему, и жив буду, и не посрами мене от чаяния моего. Помози ми,и спасуся, и поучуся во оправданиих Твоих выну. Уничижил еси вся отступающыя от оправданий Твоих, яко неправедно помышление их. Преступающыя непщевах вся грешныя земли: сего ради возлюбих свидения Твоя. Пригвозди страху Твоему плоти моя: от судеб бо Твоихубояхся. Сотворив суд и правду, не предаждь мене обидящым мя. Восприими раба Твоего во благо, да не оклеветают мене гордии. Очи мои исчезосте во спасение Твое, и в слово правды Твоея. Сотвори с рабом Твоим по милости Твоей, и оправданием Твоим научи мя. Раб Твой есмь аз, вразуми мя, и увем свидения Твоя. Время сотворити Господеви: разориша закон Твой. Сего ради возлюбих заповеди Твоя паче злата и топазия. Сего ради ко всем заповедем Твоим направляхся, всяк путь неправды возненавидех. Дивна свидения Твоя: сего ради испыта я душа моя. Явление словес Твоих просвещает и вразумляет младенцы. Уста моя отверзох, и привлекох дух, яко заповедей Твоих желах.

Слава Отцу, и Сыну, и Святому Духу, и ныне и присно, и во веки веков. Аминь.
Аллилуиа, аллилуиа, аллилуиа. Слава Тебе, Боже. Трижды.
Господи, помилуй.(3)Слава, и ныне. Аминь.

Призри на мя и помилуй мя, по суду любящих имя Твое. Стопы моя направи по словеси Твоему, и да не обладает мною всякое беззаконие. Избави мя от клеветы человеческия, и сохраню заповеди Твоя. Лице Твое просвети на раба Твоего, и научи мя оправданием Твоим. Исходиша водная изведосте очи мои, понеже не сохраних закона Твоего. Праведен еси, Господи, и прави суди Твои: Заповедал еси правду свидения Твоя, и истину зело. Истаяла мя есть ревность Твоя, яко забыша словеса Твоя врази мои. Разжжено слово Твое зело, и раб Твой возлюби е. Юнейший аз есмь и уничижен, оправданий Твоих не забых. Правда Твоя правда во век, и закон Твой истина. Скорби и нужди обретоша мя: заповеди Твоя поучение мое. Правда свидения Твоя в век: вразуми мя, и жив буду. Воззвах всем сердцем моим, услыши мя, Господи, оправдания Твоя взыщу. Воззвах Ти, спаси мя, и сохраню свидения Твоя. Предварих в безгодии и воззвах: на словеса Твоя уповах. Предваристе очи мои ко утру, поучитися словесем Твоим. Глас мой услыши, Господи, по милости Твоей: по судьбе Твоей живи мя. Приближишася гонящии мя беззаконием: от закона же Твоего удалишася. Близ еси Ты, Господи, и вси путие Твои истина. Исперва познах от свидений Твоих, яко в век основал я еси.Виждь смирение мое, и изми мя, яко закона Твоего не забых. Суди суд мой, и избави мя: словесе ради Твоего живи мя. Далече от грешник спасение, яко оправданий Твоих не взыскаша. Щедроты Твоя многи, Господи, по судьбе Твоей живи мя. Мнози изгонящии мя и стужающии ми: от свидений Твоих не уклонихся. Видех неразумевающыя и истаях, яко словес Твоих не сохраниша. Виждь, яко заповеди Твоя возлюбих: Господи, по милости Твоей живи мя. Начало словес Твоих истина, и во век вся судьбы правды Твоея. Князи погнаша мя туне: и от словес Твоих убояся сердце мое. Возрадуюся аз о словесех Твоих, яко обретаяй корысть многу. Неправду возненавидех и омерзих: закон же Твой возлюбих. Седмерицею днем хвалих Тя о судьбах правды Твоея. Мир мног любящым закон Твой, и несть им соблазна. Чаях спасения Твоего, Господи, и заповеди Твоя возлюбих. Сохрани душа моя свидения Твоя, яко вси путие мои пред Тобою, Господи: Да приближится моление мое пред Тя, Господи, по словеси Твоему вразуми мя. Да внидет прошение мое пред Тя, Господи, по словеси Твоему избави мя. Отрыгнут устне мои пение, егда научиши мя оправданием Твоим. Провещает язык мой словеса Твоя, яко вся заповеди Твоя правда. Да будет рука Твоя еже спасти мя, яко заповеди Твоя изволих. Возжелах спасение Твое, Господи, и закон Твой поучение мое есть. Жива будет душа моя, и восхвалит Тя, и судьбы Твоя помогут мне. Заблудих яко овча погибшее: взыщи раба Твоего, яко заповедей Твоих не забых.

Слава, и ныне:

Верую во единаго Бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, иже от Отца Рожденнаго прежде всех век. Света от света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения, сшедшаго с небес, и воплотившагося от Духа Свята и Марии Девы, и вочеловечашася. Распятаго же за ны при Понтийстем Пилате, и страдавша, и погребенна. И воскресшаго в третий день по писанием. И возшедшаго на небеса, и седяща одесную Отца. И паки грядущаго со славою, судити живым и мертвым, Егоже царствию не будет конца. И в Духа Святаго, Господа, животворящаго, иже от Отца исходящаго, иже со Отцем и Сыном спокланяема и сславима, глаголавшаго пророки. Во едину, святую, соборную и апостольскую Церковь. Исповедую едино крещение во оставление грехов. Чаю воскресения мертвых: И жизни будущаго века. Аминь.

Трисвятое.Пресвятая Троице:ПоОтче наш:
Иерей:Яко Твое есть царство:

Таже тропари, глас 8:

Се жених грядет в полунощи, и блажен раб, егоже обрящет бдяща, недостоин же паки, егоже обрящет унывающа: блюди убо, душе моя, не сном отяготися, да не смерти предана будеши, и царствия вне затворишися: но воспряни зовущи: свят, свят, свят еси, Боже, Богородицею помилуй нас.

Слава:День он страшный помышляющи, душе моя, побди, вжигающи свещу Твою, елеем просвещающи: не веси бо когда приидет к Тебе глас глаголющий: се жених. Блюди убо, душе моя, да не воздремлеши, и пребудеши вне толкующи, яко пять дев: но бодренно пожди, да усрящеши Христа елеем мастистым, и даст ти чертог божественный славы своея.

И ныне, богородичен:Тебе необоримую стену, спасения утверждение, Богородице Дево, молим: сопротивных советы разори, людей Твоих печаль на радость преложи, град Твой огради, Богохранимим царям спобори, о мире мира моли, яко Ты еси, Богородице, упование наше.

Таже:Господи, помилуй.(40)

И молитву сию:

Иже на всякое время и на всякий час, на небеси и на земли поклоняемый и славимый, Христе Боже, долготерпеливе, многомилостиве, многоблагоутробне, Иже праведныя любяй и грешныя милуяй, Иже вся зовый ко спасению, обещания ради будущих благ: Сам, Господи, приими и наша в час сей молитвы и исправи живот наш к заповедем Твоим, души наша освяти, телеса очисти, помышления исправи, мысли очисти: и избави нас от всякия скорби, зол и болезней: огради нас святыми Твоими Англеы, да ополчением их соблюдаеми и наставляеми достигнем в соединение веры и в разум неприступныя Твоея славы: яко благословен еси во веки веков. Аминь.

Господи, помилуй. (3)

Слава, и ныне:Честнейшую херувим, и славнейшую без сравнения серафим, без истления Бога Слова рождшую, сущую Богородицу тя величаем.

Именем Господним благослови, отче.

Иерей:Боже, ущедри ны, и благослови ны, просвети лице Твое на ны, и помилуй ны.

Аще ли ни, глаголи:Молитвами святых отец наших, Господи Иисусе Христе Боже наш, помилуй нас.
Мы:Аминь.

И аще естьАллилуиа,творим поклоны три великия, глаголюще молитву сию тайно святаго Ефрема,разделяюще ю в три части:

Господи и Владыко живота моего, дух праздности, уныния, любоначалия и празднословия не даждь ми.Поклон.
Дух же целомудрия, смиренномудрия, терпения и любве, даруй ми рабу Твоему.Поклон.
Ей, Господи Царю, даруй ми зрети моя согрешения, и не осуждати брата моего, яко благословен еси во веки веков. Аминь.Поклон.

Таже малых 12, глаголюще на кийждо поклон:Боже, очисти мя грешнаго.

И последи молитву сию:Господи и Владыко живота моего:до конца:во веки веков. Аминь.И поклон един великий.

Таже молитву сию:Владыко Боже Отче вседержителю, Господи Сыне единородный Иисусе Христе, и Святый Душе, едино Божество, едина сила, помилуй мя грешнаго: и имиже веси судьбами, спаси мя недостойнаго раба Твоего, яко благословен еси во веки веков, аминь.

Аще же нестьАллилуиа,оставляется:Господи и Владыко живота моего:и поклоны, и глаголем токмо:Владыко Боже Отче вседержителю:и молитвы сия, Василия Великаго:

Подобает ведати, яко молитвы сия глаголются от 22-го септемврия месяца до недели ваий.

Господи вседержителю, Боже сил и всякия плоти, в вышних живый, и на смиренныя призираяй, сердца же и утробы испытуяй, и сокровенная человеком яве предведый, безначальный и присносущный свете, у негоже есть пременение, или преложения осенение: сам, безсмертный царю, приими моления наша, яже в настоящее время, на множество щедрот Твоих дерзающе, от скверных к Тебе устен Творим,и остави нам прегрешения наша, яже делом и словом, и мыслию, ведением, или неведением согрешенная нами, и очисти ны от всякия скверны плоти и духа: и даруй нам бодренным сердцем, и трезвенною мыслию, всю настоящаго жития нощь прейти, ожидающым пришествия светлаго и явленнаго дне, единороднаго Твоего Сына, Господа и Бога и Спаса нашего Иисуса Христа: воньже со славою судия всех приидет, комуждо воздати по делом его, да не падше и обленившеся, но бодрстующе, и воздвижени в делании, обрящемся, и готови в радость божественный чертог славы его совнидем, идеже празднующих глас непрестанный, и неизреченная сладость зрящих Твоего лица доброту неизреченную: Ты бо еси истинный свет, просвещаяй и освящаяй всяческая, и Тя поет вся тварь во веки веков. Аминь.

Тя благословим, вышний Боже и Господи милости, творящаго присно с нами великая же и неизследованная, славная же и ужасная, ихже несть числа, подавшаго нам сон во упокоение немощи нашея, и ослабление трудов многотрудныя плоти. Благодарим Тя, яко не погубил еси нас собеззаконьми нашими: но человеколюбствовал обычно, и в нечаянии лежащыя ны воздвигл еси, во еже славословити державу Твою. Темже молим безмерную Твою благость, просвети нашя мысли, очеса, и ум наш от тяжкаго сна лености возстави: отверзи наша уста и исполни я Твоего хваления, яко да возможем непоколебимо пети же и исповедатися Тебе во всех, и от всех славимому Богу, безначальному Отцу, со единородным Твоим Сыном, и всесвятым и благим животворящим Твоим духом, ныне и присно, и во веки веков, аминь.

Таже,Приидите, поклонимся:трижды.

И псалмы:

Псалом 120

Возведох очи мои в горы, отнюдуже приидет помощь моя. Помощь моя от Господа, сотворшаго небо и землю. Не даждь во смятение ноги твоея, ниже воздремлет храняй тя. Се не воздремлет, ниже уснет храняй Исраиля. Господь сохранит тя, Господь покров твой на руку десную твою. Во дни солнце не ожжет тебе, ниже луна нощию. Господь сохранит тя от всякаго зла, сохранит душу твою Господь. Господь сохранит вхождение твое, и исхождение твое, от ныне и до века.

Псалом 133

Се ныне благословите Господа вси раби Господни, стоящии в храме Господни, во дворех дому Бога нашего. В нощех воздежите руки вашя во святая, и благословите Господа. Благословит тя Господь от Сиона, сотворивый небо и землю.

Слава, и ныне:

Трисвятое.Пресвятая Троице:И поОтче наш: Яко Твое есть царство:

И тропари сия, глас 2:

Помяни, Госопди, яко благ, рабы Твоя, и елика в житии согрешиша, прости: никтоже бо безгрешен, токмо Ты могий и преставленным дати покой.

Глубиною мудрости человеколюбно вся строяй, и полезное всем подаваяй, едине содетелю, упокой, Господи, душы раб Твоих: на Тя бо упование возложиша, творца и зиждителя и Бога нашего.

Слава, кондак:Со святыми упокой, Христе, душы раб Твоих, идеже несть болезнь, ни печаль, ни воздыхание, но жизнь безконечная.

И ныне, богородичен:Блажим тя вси роди, Богородице дево: в тя бо невместимый Христос Бог наш вместитися благоволи. Блажени есмы и мы, предстательство тя имуще: день бо и нощь молишися о нас, и скиптры царствия твоими молитвами утверждаются. Тем воспевающе вопием ти: радуйся, благодатная, Господь с тобою.

Господи, помилуй. (12)

И молитва сия:

Помяни, Господи, в надежди воскресения, жизни вечныя, усопшия отцы и братию нашу, и вся во благочестии и вере скончавшыяся, и прости им всякое согрешение вольное же и невольное, словом или делом, или помышлением согрешенное ими: и всели я в места светла, в места прохладна, в места покойна, отнюдуже отбеже всякая болезнь, печаль и воздыхание, идеже присещает свет лица Твоего, и веселит вся от века святыя Твоя: даруй им и нам царствие Твое, и причастие неизреченных и вечных Твоих благ, и Твоея безконечныя и блаженныя жизни наслаждение. Ты бо еси жизнь, и воскресение, и покой усопших рабов Твоих, Христе Боже наш, и Тебе славу возсылаем, со безначальным Твоим Отцем, и пресвятым и благим и животворящим Твоим Духом, ныне и присно, и во веки веков, аминь.

Преславная Приснодево, Мати Христа Бога, принеси нашу молитву Сыну Твоему и Богу нашему, да спасет тобою душы нашя.

Упование мое Отец, прибежище мое Сын, покров мой Дух Святый, Троице святая, слава Тебе.

Иерей:Слава Тебе, Христе Боже, упование наше, слава Тебе.
И мы:Слава, и ныне: Господи, помилуй.(3). Благослови.
Иерей отпуст:Христос истинный Бог наш, молитвами пречистыя своея Матере, преподобных и богоносных отец наших, и всех святых, помилует и спасет нас, яко благ и человеколюбец.

По отпусте иерей творит поклонение братии, глаголя:Благословите, отцы святии и братия, и простите ми грешному, елико согреших в сий день делом, словом, помышлением и всеми моими чувствы.
Братия же отвещают:Бог да простит тя, и помилует, отче святый.
И творят поклонение, глаголюще прощение сие:Благослови мя, отче святый, и прости, елика согреших во сий день делом, словом, помышлением и всеми моими чувствы, и помолися о мне грешнем.
Иерей отвещает:Благодатию своею Бог да простит и помилует всех нас.

И глаголет иерей:Помолимся о господине нашем святейшем Патриархеимя рек , и о господине нашем Митрополите(или Архиепископе, илиЕпископе)нашемимя рек , егоже есть область,и всей во Христе братии нашей.
Лик:Господи, помилуй.
О богохранимом государе нашем Императореимя рек,(илиО предержащих властех наших).
Лик:Господи, помилуй.
О благоспешении и укреплении всего воинства.
Лик:Господи, помилуй.
О ненавидящих и любящих нас.
Лик:Господи, помилуй.
О милующих и служащих нам.
Лик:Господи, помилуй.
О заповедавших нам недостойным молитися о них.
Лик:Господи, помилуй.
О отшедших отцех и братиях наших.
Лик:Господи, помилуй.
О в мори плавающих.
Лик:Господи, помилуй.
О в немощи лежащих.
Лик:Господи, помилуй.
Помолимся и о изобилии плодов земных.
Лик:Господи, помилуй.
И о всякой души христиан православных.
Лик:Господи, помилуй.
Ублажим благочестивыя цари
Лик:Господи помилуй.
Православныя архиереи, и ктиторы святаго храма сего(илисвятыя обители сея).
Лик:Господи, помилуй.
Родители наша, и вся прежде отшедшыя, отцы и братию нашу, зде лежащия и повсюду, православныя.
Предстоятель:Рцем и о них.
Лик:Господи, помилуй.(3).
Молитвами святых отец наших, Господи Иисусе Христе Боже наш, помилуй нас.
Лик:Аминь.

Подобает ведати, яко по святей горе афонстей, поПомяни, Господи: глаголют настоящыя тропари:

Помилуй нас, Господи, помилуй нас: всякаго бо ответа недоумеюще, сию Ти молитву яко Владыце грешнии приносим: помилуй нас.

Слава:Господи, помилуй нас, на Тя бо уповахом, не прогневайся на ны зело, ниже помяни беззаконий наших, но призри и ныне яко благоутробен, и избави ны от враг наших: Ты бо еси Бог наш и мы людие Твои, вси дела руку Твоею, и имя Твое призываем.

И ныне:Милосердия двери отверзи нам, благословенная Богородице, надеющиися на тя да не погибнем, но да избавимся тобою от бед: ты бо еси спасение рода христианскаго.

Потом иерей ектению:Помилуй нас, Боже, по велицей милости Твоей, молимтися, услыши и помилуй.
Лик:Господи, помилуй.(трижды).
Еще молимся о еже сохранитися граду сему, (иливеси сей), и святому храму сему(аще во обители:святей обители сей), и всякому граду, и стране, от глада, губительства, труса, потопа, огня, меча, нашествия иноплеменников, и междоусобныя брани: о еже милостиву и благоуветливу быти благому и человеколюбивому Богу нашему, отвратити всякий гнев на ны движимый, и избавити ны от належащаго и праведнаго своего прещения, и помиловати ны.
Лик:Господи, помилуй.(40).
Возглас:Услыши ны, Боже спасителю наш, упование всех концев земли, и сущих в мори далече: и милостив, милостив буди, Владыко, о гресех наших, и помилуй ны. Милостив бо и человеколюбец Бог еси, и Тебе славу возсылаем, Отцу, и Сыну, и святому Духу, ныне и присно, и во веки веков.
Лик:Аминь.

Посем,Слава, и ныне:и отпуст, и прочая.

Вставать на молитву в полночь было древней традицией, восходящей к дохристианским временам. Псалмопевец говорит: В полночь вставал славословить Тебя за праведные суды Твои (Пс 118,62). Павел и Сила в темнице воспевали Бога около полуночи (Деян 16,25). Как мы помним, Василий Великий ссылается на оба эти текста в качестве оправдания монашеской практики полунощной молитвы.

В древности, когда не существовало электрического освещения и ритм жизни подчинялся естественному природному ритму смены дня и ночи, было принято ложиться спать вскоре после захода солнца и вставать на рассвете. Монахи стремились к тому, чтобы максимально сократить время сна, а потому монашеские службы совершались и после заката, и в полночь, и рано утром. «Полноценная» восьми- или даже шестичасовая ночь была недоступна монаху, который должен был прерывать сон молитвой в полночь. Некоторые монахи спали, не раздеваясь и не ложась в постель, подобно воинам, готовым к битве. Воздержание от сна воспринималось как один из важных аскетических подвигов, составляющих монашеский образ жизни.

В современном виде полунощница представляет собой плод длительного развития. Ученые расходятся во мнениях относительно происхождения полунощницы, поскольку многообразие литургических источников не позволяет сделать по этому вопросу однозначные выводы. Неоспоримой, однако, является изначальная связь полунощницы с монашеской традицией: связь эта сохраняется и поныне, поскольку полунощница совершается только в монастырях (причем не в полночь, а в ранние утренние часы). Единственное исключение составляет пасхальная полунощница, совершаемая в приходских храмах перед началом ночного пасхального богослужения.

Полунощница бывает трех видов — вседневная, субботняя и воскресная. Основным элементом вседневной полунощницы является чтение псалма 118, разделенного на три части. В восточно-христианской традиции отношение к псалму 118 было особенно благоговейным: этот псалом воспринимался как мессианский, произносимый от лица Христа. В то же время 118-й псалом представляет собой своего рода компендиум аскетической жизни:

В этом псалме Давид описывает жизнь святых, подвиги их, скорби, труды, также восстания демонов, тысячи внушаемых помыслов, сети и прочие средства к уловлению, а вместе с тем и то, чем святые одерживают победу: закон, слова Божии, терпение, помощь свыше и, наконец что последует за трудами, награды, венцы, воздаяния.

Се, Жених грядет в полунощи, и блажен раб, Вот, Жених идет в полночь, и блажен тот раб,
егоже обрящет бдяща, недостоин же паки, которого Он обретет бодрствующим, недостоин же тот,
егоже обрящет унывающа. Блюди убо, которого Он найдет унывающим. Будь внимательна,
душе моя, не сном отяготися, да не смерти душа моя, не впади в сон, чтобы не быть
предана будеши, и Царствия вне преданной смерти и не остаться вне затворенных (врат)
затворишися. Но воспряни зовущи: Цap-ства (Божия). Но воспрянь, взывая:
Свят, Свят, Свят еси Боже, Богородицею Свят, Свят, Свят Ты, Боже,
помилуй нас. (молитвами) Богородицы помилуй нас.

Тропарь основан на притче о десяти девах, которые пришли на брачный пир, но забыли купить масла в светильники; когда пришел жених, они оказались неготовыми и остались вне брачного чертога (см.: Мф 25,1-13). В то же время тропарь содержит аллюзии на притчу Христа о рабах, ожидающих возвращения своего хозяина с брачного пира (см.: Лк 12, 35-40). Обе притчи в восточно-христианской традиции трактуются как призыв к духовному бодрствованию. Главным же содержанием полунощницы является ожидание Второго Пришествия Сына Человеческого.

К этому тропарю добавляются два других, за которыми следует заключительная часть полунощницы, включающая несколько утренних молитв, псалмы 120 и 132, два заупокойных тропаря и одну заупокойную молитву.

Полунощница субботняя почти полностью отличается по составу от вседневной. В состав субботней полунощницы вместо 118-го псалма входит 9-я кафизма, включающая псалмы 64-69. На ней также читается молитва святого Евстратия. Эта молитва, по преданию, принадлежит мученику, осужденному на сожжение в царствование императоров Диоклетиана и Максимина. Согласно житию, молитву «Величая, величаю Тя, Господи» святой Евстратий произносил по пути к месту казни.

Полунощница воскресная отличается от субботней и вседневной тем, что на ней не читается кафизма, а вместо кафизмы исполняется канон. Октоих предписывает читать на воскресной полунощнице троичные каноны, принадлежащие перу Митрофана II, патриарха Константинопольского (1440-1443).

Совершается в полночь или во всякий час ночи до утра. Посвящена грядущим пришествию Господа Иисуса Христа и Страшному суду . В современной приходской практике обычно не совершается; в монастырях Русской Церкви обычно бывает рано утром.

По мнению толкователей, полунощница установлена, во-первых, с тем, чтобы напомнить верующим молитвенный полуночный подвиг Иисуса Христа пред отшествием Его на вольные страдания (моление о чаше - Мф. ; Мк. ; Лк. ); во-вторых, для постоянного напоминания о дне второго пришествия Христова, которое, по общему верованию церкви, основанному на притче Спасителя о десяти девах (Мф. ), имеет быть в полночь; в-третьих, наконец, для призыва верующих и в полночь к подражанию ангелам, немолчно прославляющим Господа.

Бывает вседневная, субботняя и воскресная. Вседневная полунощница состоит из чтения покаянного псалма (50-го), псалма 118-го , изображающего блаженство людей непорочных, Символа веры , песни Се жених грядет в полунощи (см. Великий понедельник), псалмов 120-го и 133-го и тропарей покойных .

Субботняя полунощница отличается тропарями; вместо 118-го псалма читается 9-я кафизма .

Воскресная полунощница состоит только из первой части, отличается ипакоями вместо тропарей, каноном вместо 118-го псалма, молитвой Троице - вместо Символа веры.

Архиепископ Фессалоникийский Симеон описывает полунощницу следующим образом :

Литература

• К. Никольский . Пособие к изучению Устава богослужения православной церкви. - СПб., .

[Переиздание]. - М .: Издательский совет Русской Православной Церкви, 2008. - (Серия «Литургическая библиотека»). - ISBN 978-5-94625-295-9 - Репринт 7-го изд. (СПб.: Синодальная типография, 1907)

• П. Лебедев. Наука о богослужении православной церкви. - М., .

Ссылки

• Полунощница вседневная (современный (РПЦ) церковнославянский перевод).

Примечания

Wikimedia Foundation . 2010 .

Синонимы :

Смотреть что такое "Полунощница" в других словарях:

- (греч. mesonyktikos), в византийском обряде (см. ВИЗАНТИЙСКИЙ ОБРЯД) богослужение (см. БОГОСЛУЖЕНИЕ в христианстве) суточного круга, которое совершается в полночь или в любой час ночи до наступления утра. По мнению толкователей, Полунощница… … Энциклопедический словарь

Особая церковная служба в полночь, до утрени (Даль, пола) См … Словарь синонимов

Полунощница - чинопоследование, совершаемое обычно в полночь. Полунощница посвящена грядущему пришествию Господа и Страшному суду. Различается вседневная, субботняя и воскресная. В настоящей приходской практике полунощница почти не совершается … Православие. Словарь-справочник

Полунощница - одно из самых поздних по времени богослужений, которое принято совершать в полночь. Посвящается Страшному Суду и будущему пришествию Господа. Полунощница бывает вседневной, воскресной и субботней. В наши дни в приходских храмах ее служат… … Православная энциклопедия

- (μεσονύκτικός) так называется церковная служба, которая совершается в полночь и во всякий час ночи до утра. Во время гонений ночное время было самое безопасное для богослужения. Вместе с тем церковь всегда имела в виду, что полночь есть время по… … Энциклопедический словарь Ф.А. Брокгауза и И.А. Ефрона

I ж. устар. то же, что полуночница I II ж. устар. 1. Одно из вечерних богослужений православной церкви. 2. Молитвы, читаемые во время такого богослужения. Толковый словарь Ефремовой. Т. Ф. Ефремова. 20 … Современный толковый словарь русского языка Ефремовой

См.: СУТОЧНЫЙ КРУГ БОГОСЛУЖЕНИЙ.

В состав утреннего богослужения входят полунощница, утреня и 1-й час.

Полунощницей называется церковная служба, совершаемая в полночь или в любой час ночи до утра. Обычай освящать богослужением полночь и ночное время вообще основывается на примере Господа Иисуса Христа (Мф. 26, 30; Лк. 6, 12), Которому подражали и апостолы (Деян. 16, 25), и их современники-христиане (1 Кор. 14, 26; Кол. 3, 16). Особенно широко он распространился в первые века, во время гонений на христиан, так как ночное время было наименее опасным для совершения богослужений. Кроме того, Святая Церковь всегда считала, что для обращения с молитвой к Богу и для размышлений о грехах и исправлении их ночь наиболее благословенна. Об этом говорится во Втором послании святого Василия Великого к святому Григорию Богослову († 389).

По мнению толкователей богослужения, полунощницу Святая Церковь установила, чтобы напомнить верующим о полунощном молитвенном подвиге Христа Спасителя пред Его крестными страданиями, для напоминания о дне Второго пришествия Сына Божия и последующих за ним воскресении мертвых и последнем суде, так как, по верованию Церкви, основанному на евангельской притче о десяти девах, оно совершится в полночь, а также чтобы призвать всех верующих, в подражание ангелам, постоянно, в том числе и в ночные часы, прославлять Господа.

Полунощницы бывают вседневная, субботняя и воскресная. Все они совершаются в согласовании со днем седмицы и указаниями Устава. Полунощница не правится, если совершается всенощное бдение, а также в некоторых других случаях, оговоренных Уставом. В монастырях она иногда совершается келейно.

Устав о полунощницах находится в Часослове, Следованной Псалтири и Типиконе.

Утреня получила свое наименование от времени совершения. По содержанию она подразделяется на три части, из которых в первой христиане исповедуют свои грехи и испрашивают милости Божией на предстоящий день, во второй – прославляют лиц или события соответственно воспоминаниям церковного дня, а в третьей – славословят Самого Господа Иисуса Христа.

Освящать утро дня соответствующими времени молитвословиями и песнопениями – обычай очень древний. Евсевий, епископ Кесарийский (IV в.), называет издревле установленными и сложенными псалмы и песни, которыми прославляется Божество Иисуса Христа на утреннем богослужении. Святой Василий Великий упоминает о способе стихословия псалмов, отличая их от молитв и покаянного псалма. Основное содержание утреннего богослужения составляли хвалебные псалмы, а поэтому и служба называлась чином хвалений. Указание на употребление на утрене великого славословия находится в Апостольских постановлениях и у святого Афанасия Великого, архиепископа Александрийского (298-373). По мере развития христианских песнопений умножился и обогатился и состав утреннего богослужения. Особенно замечательны каноны святого Иоанна Дамаскина (VII-VIII).

Утреня бывает: непраздничная, без полиелея и великого славословия, когда оно читается, а не поется; праздничная утреня с полиелеем и великим славословием, то есть когда оно поется, а не читается, и утреня пасхальная.

На непраздничной утрени после шестопсалмия поется «Бог Господь» или «Аллилуиа». В Уставе часто встречаются указания «егда поется «Бог Господь» и «егда поется «Аллилуиа», а также «Аллилуиа или тропарь»: предписание петь «Аллилуиа» указывает на скорбность и покаянность церковной службы, а предписание петь «Бог Господь» на торжественность и радость.

Устав непраздничной утрени находится в Служебнике, Часослове, Типиконе, а праздничной в некоторых изданиях Служебника, Часослова, Следованной Псалтири, в Октоихе и Типиконе.

Служба первого часа по времени соответствует 7-9 часам утра, когда Иисус Христос был приведен от Каиафы к Пилату и осужден на смерть. Под названием утренняя молитва, или молитва на рассвете, она упоминается в Апостольских постановлениях (Кн. VIII, 4) и святым Василием Великим.

По Уставу 1-й час совершается, как правило, в храме, иногда в притворе. В храме 1-й час совершается в седмичные непраздничные дни, в среду и пяток Сырной седмицы и во Святую Четыредесятницу. Исхождение в притвор и в эти дни бывает после 1-го часа.

В притворе 1-й час совершается в дни воскресные, в праздники, когда Устав или прямо назначает совершать бдение, или замечает, что совершается бдение, «аще изволит настоятель», и в великие Господние и Богородичные праздники, в какие бы дни они ни случались.

По обычнем начале глаголем со умилением и сокрушением сердца: За молитв святых отец наших, Господи Исусе Христе Сыне Божии, помилуй нас. (поклон) . Аминь.

Слава Тебе Боже наш, слава Тебе Всяческих ради. (трижды) . Боже очисти мя грешнаго, яко николиже благо сотворих пред Тобою (поклон) . Но избави мя от лукаваго, и да будет во мне воля Твоя (поклон) . Да не осужденно отверзу уста моя недостойная, и восхвалю имя Твое святое, Отца и Сына, и Святаго Духа, ныне и присно, и во веки веком, аминь (поклон) .

Царю небесныи, Утешителю, Душе истинныи, иже везде сыи, и вся исполняя, сокровище благих, и жизни Подателю, прииди и вселися в ны, и очисти ны от всякия скверны, и спаси Блаже душа наша.

Святыи Боже, Святыи Крепкии, Святыи Безсмертныи, помилуй нас (трижды, и поклоны три) . Слава Отцу и Сыну и Святому Духу, и ныне и присно, и во веки веком, аминь.

Пресвятая Троице помилуй нас. Господи очисти грехи наша. Владыко прости беззакония наша. Святыи посети, и исцели немощи наша имене Твоего ради.

Господи помилуй (трижды) .

Слава Отцу и Сыну и Святому Духу, и ныне и присно, и во веки веком, аминь.

Отче наш, иже еси на небесех. Да святится имя Твое. Да приидет царствие Твое. Да будет воля твоя, яко на небеси и на земли. Хлеб наш насущныи, даждь нам днесь. И остави нам долги наша, якоже и мы оставляем должником нашим. И не введи нас во искушение. Но избави нас от лукаваго.

Господи Исусе Христе, Сыне Божии, помилуй нас. Аминь.

Господи помилуй 12 .

Посих, молитва: От сна восстав, благодарю тя Всесвятая Троице, яко многия ради благости и долготерпения, не прогневася на мя грешнаго, и лениваго раба твоего, и не погубил еси мене со беззаконии моими, но человеколюбствова. И в нечаянии лежаща воздвиже мя, утреневати и славословити державу Твою непобедимую. И ныне Владыко Боже пресвятыи, просвети очи сердца моего. И отверзи ми устне поучатися словесем Твоим, и разумети заповеди Твоя, и творити волю Твою, и пети Тя во исповедании сердечнем. Воспевати же и славити пречестное и великолепое имя Твое, Отца и Сына и Святаго Духа, ныне и присно и во веки веком, аминь.

Приидите поклонимся Цареви нашему Богу (поклон) .

Приидите поклонимся Христу, Цареви и Богу нашему (поклон) .

Приидите поклонимся и припадем к Самому Господу Исусу Христу, Цареви и Богу нашему (поклон) . Таже, Псалом 50 . Помилуй мя Боже… Таже, кафисма 17 .

Аллилуия, псалом 118 .

Блажени непорочнии в путь, ходящии в законе Господни. Блажени испытающии свидения Его, всем сердцем взыщут Его. Неделающии бо беззакония в путех Его ходиша. Ты заповеда заповеди Твоя сохранити зело. Еда исправилися быша путие мои, сохранити оправдания Твоя. Тогда не постыжуся, егда призрю на вся заповеди Твоя. Исповемся Тебе в правости сердца, внегда научитимися судбам правды Твоея. Оправдания Твоя сохраню, не остави мене до зела. В чесом исправит юныи путь свой, внегда сохранити словеса Твоя. Всем сердцем моим взысках Тебе, не отрини мене от заповедей Твоих. В сердцы моем скрых словеса Твоя, да не согрешу Тебе. Благословен еси Господи, научи мя оправданием Твоим. Устнама моима возвестих вся судьбы уст Твоих. На пути свидении Твоих насладихся, яко о всяком богатьстве. В заповедех Твоих поглумлюся, и разумею пути Твоя. Во оправданиих Твоих поучуся, не забуду словес Твоих. Воздаждь рабу Твоему, живи мя, и сохраню словеса Твоя. Открый очи мои, и разумею чудеса от закона Твоего. Пришлец аз есмь на земли, не скрый от мене заповеди Твоя. Возлюби душа моя вожделети судьбы Твоя на всяко время. Запретил еси гордым, прокляти уклоняющиися от заповедей Твоих. Отъими от мене понос и уничижение, яко свидении Твоих взысках. Ибо седоша князи, и на мя клеветаху, раб же Твой глумляшеся во оправданиих Твоих. Ибо свидения Твоя поучение мое есть, и совети мои оправдания Твоя. Прильпе земли душа моя, живи мя по словеси Твоему. Пути моя исповедах, и услыша мя, научи мя оправданием Твоим. Пути оправдании Твоих вразуми мя, и поглумлюся в чудесех Твоих. Воздрема душа моя от уныния, утверди мя в словесех Твоих. Путь неправды отстави от мене, и законом Твоим помилуй мя. Путь истинныи изволих, и судьбы Твоя не забых. Прилепихся свидении Твоих, Господи не посрами мене. Путь заповедей Твоих текох, егда разширил еси сердце мое. Законоположи мне Господи, путь оправдании Твоих, и взыщу и выну. Вразуми мя, и испытаю закон Твой, и сохраню и всем сердцем моим. Настави мя на путь заповедей Твоих, яко той восхотех. Приклони сердце мое во свидения Твоя, а не в лихоимство. Отврати очи мои не видети суеты, в пути Твоем живи мя. Постави рабу Твоему слово Твое в страх Твой. Отъими поношение мое, еже непщевах, яко будьбы Твоя благи. Се вожделех заповеди Твоя, в правде Твоей живи мя. И да приидет на мя милость Твоя Господи, спасение Твое по словеси Твоему. И отвещаю поношающим ми слово, яко уповах на словеса Твоя. И не отъими от уст моих словесе истинна до зела, яко на судьбы Твоя уповах. И сохраню закон Твой всегда: в век и в век века. И хождах в широте, яко заповеди Твоя взысках. И глаголах о свидениих Твоих пред цари и не стыдяхся. И поучахся в заповедех Твоих, их же возлюбих зело. И воздвигох руце мои к заповедем Твоим их же возлюбих, и глумляхся во оправданиих Твоих. Помяни словес Твоих рабу Твоему, их же упование дал ми еси. То мя утеши во смирении моем, яко слово Твое живи мя. Гордии законопреступноваху зело, от закона же Твоего не уклонихся. Помянух судьбы Твоя от века Господи, и утешихся. Печаль прият мя от грешник, оставляющих закон Твой. Пета бяху мне оправдания Твоя, на месте пришельствия моего. Помянух в нощи имя Твое Господи, и сохраних закон Твой. Си бысть мне, яко оправдании Твоих взысках. Часть моя еси Господи, рех: сохранити закон Твой. Помолихся лицу Твоему всем сердцем моим, помилуй мя по словеси Твоему. Помыслих пути Твоя, и возвратих нозе мои, во свидения Твоя. Уготовихся и не смутихся сохранити заповеди Твоя. Южа грешник обязашася мне, и закона Твоего не забых. Полунощи востах, исповедатися Тебе на судьбы правды Твоея. Прчастник аз есмь всем боящимся Тебе, и хранящим заповеди Твоя. Милости Твоея Господи, исполнь земля, оправданием Твоим научи мя. Благость сотворил еси с рабом Твоим Господи, по словеси Твоему. Благости и наказанию и разуму научи мя, яко заповедем Твоим веровах. Прежде даже не смирихся, аз прегреших, сего ради слово Твое сохраних. Благ еси Ты Господи, и благостию Твоею научи мя оправданием Твоим. Умножися на мя неправда гордых, аз же всем сердцем моим испытаю заповеди Твоя. Усырися яко млеко сердце их, аз же закону Твоему поучихся. Благо мне, яко смирил мя еси, да научуся оправданием Твоим. Благ мне закон уст Твоих, паче тысящ злата и сребра.

Слава, и ныне (трижды) . Господи помилуй (трижды) . Слава, и ныне .

Руце Твои сотвористе мя, и создасте мя, вразуми мя, и испытаю заповеди Твоя. Боящиися Тебе узрят мя и возвеселятся, яко на словеса Твоя уповах. Разумех Господи, яко правда повеления Твоя, и воистину смирил мя еси. Буди же милость Твоя, да утешит мя по словеси Твоему раба Твоего. Да приидут мне щедроты Твоя и жив буду, яко закон Твой поучение мое есть. Да постыдятся гордии, яко без правды беззаконноваша на мя, аз же поучуся в заповедех Твоих. Да обратят мя боящиися Тебе, и ведящии свидения Твоя. Буди сердце мое непорочно во оправданиих Твоих, яко да ся не постыжу. Исчезает во спасение Твое душа моя, в слово Твое уповах. Исчезоша очи мои в слово Твое глаголюще, когда утешиши мя; Яко бых яко мех на слане, оправдании Твоих не забых. Колико есть дний раба Твоего, когда сотвориши от гонящих мя суд; Поведаша мне законопреступницы глумления, но не яко закон Твой, Господи. Вся заповеди Твоя истина, без правды погнаша мя помози ми. Мала нескончаша мене на земли, аз же не оставих заповеди Твоя. По милости Твоей живи мя, и сохраню свидения уст Твоих. Во веки Господи, слово Твое пребывает на небеси. В род и род истина Твоя. Основал еси землю и пребывает. Учинением Твоим пребывает день, яко всяческая работна Тебе. Яко аще не закон Твой поучение мое есть, тогда убо погибл бых во смирении моем. Во веки не забуду оправдании Твоих, яко в них живил мя еси.

Твой есмь аз спаси мя, яко оправдании Твоих взысках. Мене ждаша грешницы, погубити мя. Свидения Твоя разумех. Всякия кончины видех конец, широка заповедь Твоя зело. Коль возлюбих закон Твой Господи, весь день поучение мое есть. Паче враг моих умудрил мя еси заповедию Твоею, яко в век моя есть. Паче всех учащих мя разумех, яко свидения Твоя поучение мое есть. Паче старец разумех, яко заповеди Твоя взысках. От всякаго пути лукава, возбраних ногам моим, яко да сохраню словеса Твоя. От судеб Твоих не удалихся, яко Ты законоположил ми еси. Коль сладка гортани моему словеса Твоя; паче меда устом моим. От заповедей Твоих разумех, сего ради возненавидех всяк путь неправды. Светильник ногам моим закон Твой, и свет стезям моим. Кляхся и поставих, сохранити судьбы правды Твоея. Смирихся до зела Господи, живи мя по словеси Твоему. Вольная уст моих благоволи же Господи, и судьбам Твоим научи мя. Душа моя в руку Твоею выну, и закона Твоего не забых. Положиша грешницы сеть мне, и от заповедей Твоих не заблудих. Наследовах свидения Твоя в век, яко радование сердца моего суть. Обратих сердце мое сотворити оправдания Твоя, в век за воздаяние. Законопреступныя возненавидех, закон же Твой возлюбих. Помощник мой и заступник мой еси Ты, на словеса Твоя уповах. Уклонитеся от мене лукавнующии, и испытаю заповеди Бога моего. Заступи мя по словеси Твоему, и жив буду, и не посрами мене от чаяния моего. Помози ми и спасуся, и поучуся во оправданиих Твоих выну. Уничижил еси вся отступающия от оправдании Твоих, яко неправедно помышление их. Преступающия непщевах вся грешныя земли, сего ради возлюбих свидения Твоя. Пригвозди от страха Твоего плоти моя, от судеб бо Твоих убояхся. Сотворих суд и правду, не предаждь мене обидящим мя. Восприими раба Твоего во благо, да не оклеветают мене гордии. Очи мои исчезосте во спасение Твое, и в слово правды Твоея. Сотвори с рабом Твоим по милости Твоей, и судьбам Твоим научи мя. Раб Твой есмь аз, вразуми мя, и научуся свидением Твоим. Время сотворити Господеви, разориша закон Твой. Сего ради возлюбих заповеди Твоя, паче злата и топазия. Сего ради ко всем заповедем Твоим направляхся, всяк путь неправды возненавидех. Дивна свидения Твоя, сего ради испытает я душа моя. Явление словес Твоих просвещает и вразумляет младенца. Уста моя отверзох и превлекох дух, яко заповеди Твоя желах.

Слава, и ныне . Аллилуия, Аллилуия, слава Тебе Боже (трижды) . Господи помилуй (трижды) . Слава, и ныне .

Призри на мя и помилуй мя, по суду любящих имя Твое. Стопы моя направи по словеси Твоему, и да не одолеет ми всяко беззаконие. Избави мя от клеветы человеческия, и сохраню заповеди Твоя. Лице Твое просвети на раба Твоего, и научи мя оправданием Твоим. Исходища водная изведосте очи мои, понеже не сохраних закон Твой. Праведен еси Господи, и прави суди Твои. Заповеда правду свидения Твоя, и истину зело. Истаяла мя есть жалость Твоя, яко забыша словеса Твоя врази мои. Разжжено слово Твое зело, и раб Твой возлюби е. Юноша аз есмь и уничижен, оправдании Твоих не забых. Правда Твоя правда в век, и закон Твой истина. Скорби и нужды обретоша мя, заповеди Твоя поучение мое. Правда свидения Твоя в век, вразуми мя и жив буду. Возвах всем сердцем моим, услыши мя Господи, оправдании Твоих взыщу. Возвах Ти, спаси мя и сохраню свидения Твоя. Предварих в безгодии и возвах, на словеса Твоя уповах. Предваристе очи мои ко утру, поучитися словесем Твоим. Глас мой услыши Господи, по милости Твоей и по судбе Твоей живи мя. Приближиша гонящии мя беззаконие, от закона же Твоего удалишася. Близ еси Ты Господи, и вси путие Твои истина. Исперва познах от свидении Твоих, яко в век основал я еси. Виждь смирение мое, и изми мя, яко закона Твоего не забых. Суди суд мой, и избави мя, по словеси Твоему живи мя. Далече от грешник спасение, яко оправдании Твоих не взыскаша. Щедроты Твоя многи Господи, по судбе Твоей живи мя. Мнози изгонящии мя и стужающии ми, от свидении Твоих не уклонихся. Видех неразумевающия, и истаях, яко словес Твоих не сохраниша. Виждь, яко заповеди Твоя возлюбих Господи, по милости Твоей живи мя. Начало словес Твоих истина, и в век вся судбы правды Твоея. Князи погнаша мя туне, и от словес Твоих устрашися сердце мое. Возрадуюся аз о словесех Твоих, яко обретаяи корысть многу. Неправду возненавидех, и омерзе ми, закон же Твой возлюбих. Седмицею днем хвалих Тя, о судьбах правды Твоея. Мир мног любящим закон Твой, и несть им соблазны. Чаях спасение Твое Господи, и заповеди Твоя возлюбих. Сохрани душа моя свидения Твоя, и возлюби я зело. Сохраних заповеди Твоя, и свидения Твоя, яко вси путие мои пред Тобою, Господи. Да приближится молитва моя пред Тя Господи, по словеси Твоему вразуми мя. Да внидет прошение мое пред Тя Господи, по словеси Твоему избави мя. Отрыгнут устне мои пение, егда научиши мя оправданием Твоим. Провещает язык мой словеса Твоя, яко вся заповеди Твоя правда. Буди рука Твоя спасти мя, яко заповеди Твоя изволих. Вожделех спасение Твое Господи, и закон Твой поучение мое есть. Жива будет душа моя и восхвалит Тя, и судьбы Твоя помогут мне. Заблудих, яко овча погибшее, взыщи раба Твоего, яко заповеди Твоя не забых.

Слава, и ныне , без Аллилуии.

Таже, исповедание православныя веры. Верую во единаго Бога… Трисвятое . И по Отче наш…

Тропари сия, глас 8: />

Се Жених грядет в полунощи, и блажен раб, его же обрящет бдяща. Недостоин же паки, его же обрящет ленящася. Блюди убо душе моя, да не сном отяготишися и да не смерти предана будеши, и царствия вне затворишися, но воспряни зовущи: свят, свят, свят еси, Боже, Богородицы ради, помилуй нас.

Слава: День он страшныи помышляющи, душе моя побди, вжигающи свещу свою, и маслом просвещающи, не веси бо когда приидет к тебе глас глаголющии: се Жених. Блюди убо, душе моя, да не воздремлеши, и пребудеши вне толкущи, яко пять дев; но бодрено побди, яко да усрящеши Христа милостива, и даст ти чертог божественыя славы Своея.

И ныне: Тебе необоримую стену имуще вернии, и спасения утвержение, Богородице Дево молим: сопротивных советы разори и людей Своих печаль на радость преложи. Мир Свой умири и православных утверди, и о смирении мира молися, яко Ты еси Богородице, упование наше. Господи помилуй 40 .

Таже молитва Великаго Василия: Иже на всяко время, и на всяк час, на небеси и на земли, покланяемыи и славимыи, Боже Благии, долготерпеливе и многомилостиве; Иже праведники любя и грешных милуя; Иже всех зовыи ко спасению, обещания ради будущих благ; сам Господи, приими молитвы наша в час сий, и в благости исправи живот наш, к заповедем Твоим. Душа наша освяти, и телеса очисти, помышления исправи, и мысли очисти, разум уцеломудри и истрезви, и избави нас от всякия скорби, зол и болезней, и душевных страстей, и огради нас святыми ангелы Твоими, яко да ополчением их соблюдаеми и наставляеми, достигнем во единство веры, и в разум неприкосновенныя Ти славы, яко благословен еси во веки, аминь.

Таже, Господи помилуй (трижды) . Слава, и ныне .

Честнейшую херувим, и славнейшую воистину серафим, без истления Бога Слова рождьшую, сущую Богородицу Тя величаем (поклон) . Именем Господним благослови, отче. За молитв святых отец наших, Господи Исусе Христе, Сыне Божии, помилуй нас. Аминь.

Аще есть пост, или кроме поста, егда поем Аллилуия, и творим три поклоны великия, глаголюще молитву святаго Ефрема . Господи и Владыко животу моему, дух уныния, небрежения, сребролюбия и празднословия, отжени от мене (поклон) . Дух же целомудрия, смирения, терпения и любве, даруй ми рабу Твоему (поклон) . Ей, Господи Царю, даждь ми зрети моя согрешения, и еже не осуждати брата моего, яко благословен еси во веки, аминь (поклон) .

И прочих поклонов 12, глаголюще в себе: Господи Исусе Христе, Сыне Божии, помилуй мя грешнаго (дважды с поклонами) .

Боже, милостив буди мне грешному (поклон) .

Боже, очисти грехи моя и помилуй мя (поклон) .

Создавыи мя Господи, помилуй (поклон) .

Без числа согреших Господи, прости мя (поклон) .

И паки скончав поклоны, глаголем молитву всю выше писаную: Господи, и Владыко животу моему… И поклон един.

И по изглаголании молитвы, или по Честнейшую херувим, глаголем сию молитву Великаго Василия: Владыко Боже, Отче Вседержителю, и Господи Сыне Единородныи Исусе Христе, и Святыи Душе, едино Божество, и едина сила, помилуй мя грешнаго, и ими же веси судьбами, спаси мя недостойнаго раба Твоего, яко благословен еси во веки, аминь.

Таже, Приидите, поклонимся… (трижды) . И поклоны три.

Псалом 120 />

Возведох очи мои в горы, отнюдуже приидет помощь моя. Помощь моя от Господа, сотворшаго небо и землю. Не даждь во смятение ноги твоея, ниже воздремлет храняи тя. Се не воздремлет, ни уснет храняи Израиля. Господь сохранит тя, Господь покров Твой на руку десную твою. Во дни солнце не ожжет тебе, ни луна нощию, Господь сохранит тя от всякаго зла, сохранит душу твою Господь. Господь сохранит вхождение твое, и исхождение твое от ныне и до века.

Псалом 133 />

Се ныне благословите Господа вси раби Господни, стоящии в храме Господни, во дворех дому Бога нашего. В нощех воздежите руки ваша во святая, и благословите Господа. Благословит тя Господь от Сиона, сотворивыи небо и землю.

Слава, и ныне . Трисвятое , и поклоны три. По Отче наш… тропари сия: Помяни Господи, яко благ, рабы Своя, и елика в житии сем согрешиша, прости. Никтоже бо без греха, токмо Ты могии преставленым дати покой. Иже глубинами мудрости, человеколюбне вся строя, и еже на пользу всем подавая, едине Содетелю, покой Господи, душа усопших раб Своих, на Тя бо упование возложиша, Творца и Зиждителя и Бога нашего.

Слава: Со святыми покой, Христе, душа раб Своих, идеже несть болезни, ни печали, ни воздыхания, но жизнь вечная.

И ныне, Богородичен: Блажим, Тя вси роди, Богородице Дево, в Тя бо невместимыи Христос Бог наш, вместитися изволи, блажени есмы и мы помощницу Тя имуще, день бо и нощь молишися о нас, и державы царствия Твоими молитвами утвержаются. Тем благодаряще вопием Ти: радуися, Обрадованная, Господь с Тобою.

Господи помилуй 12 .

Таже, молитву сию: Помяни Господи, иже в надежи воскресения, и жизни вечныя, усопшия отцы и братию нашу, и всех иже во благочестивей вере скончавшихся, и прости им всяко согрешение, вольное же и невольное, словом и делом, и помышлением согрешенное ими и всели их в места светла, в места прохладна, в места покойна, отнюдуже отбеже всяка болезнь, и печаль и воздыхание, идеже присещает свет лица Твоего, и веселит вся иже от века святыя Твоя. И даруй им царствие Твое, и причастие неизреченных и вечных Твоих благ, и Твоея безконечныя, и блаженныя жизни наслаждение. Ты бо еси воскресение и живот и покой усопшим рабом Твоим, Христе Боже наш, и Тебе славу возсылаем, со безначальным Ти Отцем, и с Пресвятым и Благим и Животворящим Ти Духом, ныне и присно и во веки веком, аминь.

Таже, Слава, и ныне . Господи помилуй (дважды) . Господи благослови.

И отпуст: Господи Исусе Христе, Сыне Божии, молитв ради Пречистыя Твоея Матере, преподобных и богоносных отец наших и всех ради святых, помилуй и спаси нас, яко Благ и Человеколюбец, аминь.

И прощение: Ослаби, остави, отпусти Боже, согрешения наша, вольная и невольная, яже в слове и в деле, и яже в ведении и не в ведении, яже во уме и в помышлении, яже во дни в нощи, вся ми прости, яко Благ и Человеколюбец, аминь.

И молитва с поклонами: Ненавидящих и обидящих нас прости, Господи Человеколюбче. Благотоворящим благо сотвори, братиям и всем сродником нашим, иже и уединившимся, даруй им вся, яже ко спасению прошения и живот вечныи (поклон) .

В болезнех сущия посети и исцели, в темницах сущия свободи, по водам плавающим Правитель буди и иже в путех шествующим исправи и поспеши (поклон) .

Помяни Господи, и плененныя братию нашу, единоверных православныя веры, и избави их всякаго злаго обстояния (поклон) .

Помилуй Господи, давших нам милостыню и заповедавших нам, недостойным, молитися о них, прости их и помилуй (поклон) .

Помяни Господи, прежде отшедшия отцы и братию нашу и всели их, идеже присещает свет лица Твоего (поклон) .

Помяни Господи, и нашу худость и убожество, и просвети наш ум светом разума святаго Евангелия Твоего, и настави нас на стезю заповедей Твоих, молитвами Пречистыя Твоея Матере и всех святых Твоих, аминь (поклон) .

Господи помилуй (трижды) ,

и обычные исходные поклоны.